Bull eða hvað.

Þarf að vera  að bera á borð fyrir okkur löngu vitaða hluti? Hverjir voru það sem oppnuðu farveginn fyrir þessa óreiðumenn? Varla þeir sjálfir.Íslenska þjóðin er tæpast með greind á við Flórídaappelsínu og við gerum okkur öll ljóst hvernig komið er fyrir okkur.Ég allavega færði ekki þessum óreiðumönnum arfleifð okkar og auðæfi á silfurfati sat síðan til hlés og horfði á þá mjaka þjóðinni nær og nær forgarði helvítis.Um það sáu aðrir sem markvist fylltu augu okkar ryki og tróðu okkur út af lygum og blekkingum.Áfram heldur skrípaleikurinn nú síðast með aðdáunarverðu framtaki Straums að bæta fyrir unnið tjón.Stjórnendum þessa lands er fyrir löngu síðan ekki treystandi fyrir horn og einu svörin sem við fáum eru í formi þess að nú sé ekki tímabært að gera hitt né þetta, þetta eða hitt.Þið hafið ekkert traust lengur hjá þjóðinni og flest það er frá ykkur kemur gerir fátt annað en að hleypa meiri biturð og kergju í okkur.Hefðuð þig einhverja ögn af sóma tilfinningu væru þið löngu búnir að biðja þjóðina afsökunar á þessu gangast við mistökum ykkar og draga ykkur í hlé.Það mundi að öllum líkindum sérhver heiðarleg manneskja gera.Þið kjósið að sitja áfram og gera ekkert annað en horfa á meiri svívirðu og óskammfeilni eiga sér stað nær daglega hér.Væri vilji fyrir hendi hjá ykkur til að stöðva þennan stöðuga skaða er verður æ alvarlegri með hverjum deginum sem líður munduð þið ekki horfa upp á þessi nær daglegu lögbrot heldur stíga inn í framkvæmdina og grípa í taumana.E siðblinda ykkar virkilega slík að þið sjáið ekki hvað þið eruð búin að gera þjóðinni.Koma okkur á vonarvöl pína með sífellt hækkandi vöxtum daglegum hækkunum á nauðsynjavörum og svo mætti lengi telja.Er ykkar æðsta takmark að ganga endanlega af okkur dauðum.Eru þið svo viti fyrrtir að sjá ekki að við getum þetta ekki öllu lengur.. þið eruð að drepa fjölskyldurnar okkar og ykkur er svo nákvæmlega sama að það er hrein skömm að þið eigið að vera þeir aðilar sem treyst er til að standa vörð um líðræði okkar.Þið ritið með glæsibrag og smán nöfn ykkar á komandi sögu.Takið nú sængur ykkar os sameinist óreiðumönnunum.Líkur sækir líkan heim.

	Telja að óreiðumenn stjórni bönkunum
Ábyrgðarmaður færslu Tilkynna um óviðeigandi tengingu við frétt

Fátt eitt reynir eins mikið á mitt bágstadda taugakerfi og það að þurfa að versla annars lagið í stórmörkuðum. Einn óveðursdaginn fyrir skemmstu ákvað ég að leita skjóls í verslun bleika grísins á Laugaveginum einkum vegna þess að ísskápurinn minn innihélt aðeins hálft oststykki og botnfylli af smjöri í dós. Ég flúði þarna inn, ekki til á mér þurr þráður, greip einu lausu innkaupakerruna og fór að spássera um búðina.

Ég hef einu sinni á æfi minni farið í bjargsig og fuglagargið þar voru sem himneskir tónar miðað við hávaðann í þessari verslun. Þarna úði og grúði saman þeim mesta fjölda kvenna sem ég hef lengi séð og á öllum aldri. Ýmist stóðu þær saman með einn til tvo barnavagna á gangvegunum, að hnakkrífast um verð, dásama verð eða mæla með hinu og þessu. Æpandi og skrækjandi börn hlupu spretthlaup fram og aftur sveiflandi varningi sem krafist var að mamma keypti og einum tvisvar sinnu var ég hlaupinn um koll. Grátur og gnístran tanna heyrðist frá hverjum gangi fyrir sig og í nokkur skipti stríðsöskur sem sjálfur Tarzan hefði orðið stoltur af.

Örhægt en bítandi mjakaðist ég áfram og týndi af handahófi ofan í kerruna það sem mig vanhagaði um. Reyndar var henni stolið þrisvar sinnum af mér en ég er þrjóskur maður og fann hana því fljótlega aftur eftir mátulegar skammir frá viðkomandi. Þegar framar dró í verslunina og fystikisturnar nálguðust dró ögn úr hávaðanum en að sama skapi jókst hraðinn. Þegar sama konan hafði keyrt einum sex sinnum aftan á hælana á mér og mig dauðfarið að kenna til, sneri ég mér við og bað hana vinsamlegast að gæta að þessu. Það hnussaði í henni en ég benti henni góðfúslega á að ef hún hefði tekið eldavélina , frystikistuna, sófasettið og blómagrindina sína með hefði sennilega ekkert af þessu gerst. Hún leit á mig augum eins og ég væri alræmdasti fjöldamorðingi sögunar, svei mér þá ef ég var bara ekki á góðri leið með að verða það.

Ég ákvað að fá mér humar í matinn þegar að fiski frystikistuni var komið. Með arnaraugum skannaði ég yfir innihald hennar og viti menn þarna blasti við síðsti humarpakkinn. Ég greip eldsnöggt í hann en fann að togað var fast á móti. Ég togaði fastar en ekki lét pakkinn undan. Togað var þétt á móti. Þá leit ég upp. Glæsileg dökkhærð kona hélt um pakkann brosti og sagði síðan "Ég sá hann fyrst" Ég hélt nú ekki og um þetta þráttuðum við góða stund. Þá sagði sú dökkhærða og brosti heillandi. "Verðum við þá ekki að borða hann saman" Ég var búinn að fá nóg af þessari vitfyrru tók pakkann fékk henni símanúmmerið mitt og heimilisfang og sagði henni að humarinn yrði tilbúinn á slaginu átta um kvöldið. Ég greiddi fyrir vörurnar og hét að stíga aldrei fæti mínum hér inn oftar.

Á slaginu átta um kvöldið hringdi dyrabjallan mín og þarna stóð sú dökkhærða og brosti heillandi. Satt best að segja rak mig í rogastans. Við snæddum humarinn sem var meistaralega vel eldaður og skröfuðum um alla heima og geima. Þegar ég vaknaði morguninn eftir rak ég augun í miða á náttborðinu mínu sem á stóð. "Takk fyrir kornflexið þó humarinn hafi verið margfallt betri". Á borðinu lá líka rauð rós og spjald með símannúmmeri.

Hvort tveggja var raunverulegt.

Að standa frammi fyrir langvarandi alvarlegum veikindum er erfitt sérhverri manneskju sama hvaða þjóðfélagsstöðu hún gegnir.Ugglaust má ýmislegt telja upp og tíunda af stjórnmálaferli Ingibjargar sjálfsagt henni til lasts.Það á einfaldlega ekkert skylt við alvarleg veikindi hennar og við sem manneskjur ættum öll að hugsa hlýlega til hennar og biðja þess að hún komist yfir þennan erfiða hjalla.Þó leiðir okkar Ingibjargar fléttist ekki saman í stjórnmálum þá draga veikindi hennar ekki úr mannlegri reisn hennar slíkt getur enginn sjúkdómur gert.Leiðir okkar Ingibjargar lágu saman fyrir tilviljun fyrrir nokkrum árum og átti sú samleið ekkert skilt við stjórnmál þó hún væri þegar farinn að starfa á þeim vettvangi.Ég mynnist ætíð skilningsins,náungakærleika hennar,umhyggju og samúðar hennar með meðsystskinum sínum.Alla tíð síðan þá hef ég borið virðingu fyrir henni sem manneskju með gott hjartalag og heilsteyptar tilfinningar.Því bið ég alheimsandann að taka þig í fang sér og bera þig yfir erfiðustu hjallana og fara um þig læknandi höndum.Þú hefur bæði kjark,styrk og þor til að takast á við jafn erfið veikindi sem þessi.Settu vilja þinn í hendur hans og treystu honum án skilyrða og haltu fast í þína mannlegu reisn sem er mikil og þá mun allt fara vel.Sonum þínum svo og eiginmanni votta ég samúð mína á þessum erfiðleika tíma þínum og bið algóðan guð um blessun og bata þér til handa.

	Ingibjörg Sólrún lengur frá en áður var talið
Ábyrgðarmaður færslu Tilkynna um óviðeigandi tengingu við frétt

Áfram heldur blekkingin og skrípaleikurinn.Bróðir emírsins orðinn 25 milljörðum fátækari og ugglaust viti sínu fjær af reiði.Leggjumst því öll á bæn og vonum að hann sigi ekki Osabin á okkur og minnismerki "Útrásarmömbunar" fái að halda sér.

Sennilega er eina von okkar að leita á náðir þess teinótta grátbiðja hann að storma kuflklæddan inn í eyðimörkina splæsa nokkrum Margarítum í hitanum og slá upp listsýningu þar sem rekja mætti sögu þorskstofnsins.

Hvað eru 25 milljarðar á milli vina.Við verðum bara að vona að greind þeirra Arababúa sé á við Flóridaappelsínu.

Áfram bíðum við í ofvæni eftir næsta þætti þessa spennandi framhaldsleikrits.Hver gekk af þjóðinni nær dauðri?Hún sjálf?Eða eru allir saklausir og sökudólgurinn skýstrókur sem átti upptök sín í nágreni Texas en ákvað að flýja síðan hingað til gósenlandsins.Sópaði síðan að sér öllu sem hægt var að sópa og hvarf... vonandi fæst svar í næsta þætti.Spennum því beltin þangað til.

	25 milljarða króna greiðsla týnd
Ábyrgðarmaður færslu Tilkynna um óviðeigandi tengingu við frétt